陳蕊蕊想過參加《全民造星IV》 怕被花姐奚落：其實冇人係唔驚
撰文：吳子生
出版：更新：
陳蕊蕊今日（17/9）現身深水埗出席《願望愛》活動。被問到有否想過參加今季《全民造星IV》？蕊蕊直言：「其實我都有諗過參加，但又會覺得自己會唔會一把年紀呢？但我又發現有啲參賽者年紀係大過我嘅，咁所以我係有啲後悔，問自己點解唔去參加。不過，其實參加比賽我真係好驚，而且又會好大壓。（你驚畀花姐奚落？）其實冇人係唔驚嘅，都驚嘅。同埋最大壓力係會畀自己，驚自己做得唔好。如果再有第五季，希望到時我會有呢個勇氣去參加。」