港姐亞軍梁凱晴有身份包袱唔敢買性感睡衣：因為香港小姐嘛！
撰文：林通賢
出版：更新：
今屆港姐亞軍梁凱晴（Carina)及季軍邵初(Kristy)今日（16/9）現身荃灣出席百貨公司頒獎禮，二人獲頒現金及購貨禮劵總值5萬元。Carina透露會購買煮食廚具之外，還會添置新睡衣：「因為我知道佢哋呢度有好多款式可揀，咁所以我就會選擇一啲簡單而且又比較家居啲款式。（會否選擇性感睡衣？）哈哈！唔會喇，因為香港小姐嘛，都係揀啲舒服為主。」kristy就話：「衫我就唔會點買，反而就會睇吓啲美容新產品，尤其係啲新產品Mask，我到想試。（一星期敷幾多次面膜？）我一星期一最少會敷五日，如果我可以，就會日日都會敷，我係好勤力嘅。」