賴慰玲陳自瑤現身李居明書法展獲傳授生女秘訣：凌晨咬住條蔥
撰文：陳芷穎
出版：更新：
陳自瑤（Yoyo）和賴慰玲（Winki）今日（15日）現身藝術中心出席李居明的首次個人書法展，師傅送贈各人一幅字畫寓意Yoyo事業更上一層樓，而Winki則追多個女，師傅更傳授生女秘訣給Winki。
Yoyo和Winki接受《香港01》訪問時表示非常欣賞師傅的才華，Winki說去年與師傅合作時曾透露想追個女，師傅更傳授生女秘訣：「佢話2023年凌晨5-7，咬住條蔥，我問師傅，可以忍到笑咩。佢話呢個時候前前後後都係生仔，但其實生多個仔或者女都開心。但如果生多個女，2023年都係適合嘅時機。」Winki直言兩個小朋友已經足夠：「呢個年代湊一個小朋友唔係咁簡單，兩個就開心啲所以都足夠。除非係孖胎，咁我就冇嘢好講。」
+3
Yoyo則想事業更上一層樓和賺更加多錢，師傅在活動中指開拍新戲會找兩位參與，Yoyo感激師傅給予機會：「佢有啲製作，電影又好，都會預埋我哋一份。」她坦言除拍劇外，想學多一點從未接觸的範疇：「養生、健康方面，都係我比較鍾意嘅範疇，再深入啲研究同學習。」Winki提議Yoyo學體操，全因她有漂亮的身形，Yoyo笑言：「會唔會太遲？」