59歲安德尊終結單身傳有新戀情　與「鬥氣冤家」42歲宋芝齡疑拍拖

安德尊與宋芝齡合作主持節目多年，是幕前的歡喜冤家，亦是非常有默契的好朋友。9月19日是安德尊60歲生日，單身多年的大王，感情終於有著落，被影到與宋芝齡撓手現身街頭，更頭貼頭傾密計，相當親密。

42歲的宋芝齡是中韓混血兒，參選1996年港姐後入行，近年她成為無綫電視清談婦女節目《都市閒情》及《流行都市》的固定主持，與安德尊為元老級主持。二人於鏡頭前不時鬥氣，有指鏡頭後一樣互動督密，但礙於之前芝齡一直斷斷續續有拍拖，至近2年回復單身，大王才鼓起勇氣追求。

就拍拖消息宋芝齡接受《香港01》訪問時，大笑回應：「我今日先知我拍拖哈哈哈，平時喺電視城我地都係咁樣撓手行，有時拖手添同事都慣晒。嗰日係去拍外景所以便服，架車泊遠咗大家一齊行，順便買炸雞同同事一齊食咋。不過有新聞出都好呀証明我地幾成功，好開心我可以取代李錦聯啦﹗快啲搵我地孖住出JOB啦。（過幾日大王生日會一起慶祝嗎？）我地平時唔興，佢唔講自己幾時生日架，懶神秘咁。（真的沒有發展空間嗎？）我地緊係無可能啦，我鍾意做生意架嗎，不過呢一刻真係未有追求者。」