盧慧敏孖男友Ian陳卓賢鬧市拍拖遭敵視感難受：被佢哋舉動嚇親

盧慧敏（Amy Lo）今日（10/9）現身灣仔會展出席時裝匯演。提到大方公開認愛MIRROR成員之一陳卓賢（Ian），惹起男友女粉絲圍插，Amy Lo直指大感壓力：「因為我從來都未試過咁樣公開過，咁所以試過喺街嘅時候，唔係經常性咁遇到一啲唔係咁友善目光嘅人，亦會遇到佢哋一啲舉動嚇親。（有否被人抨擊？）點都會都有少少，因為喺網上鬧人係唔使負責任，佢哋會留言話你同佢都唔同行業不如算啦，亦有留言話唔睇好我哋。其實新聞一出我係好緊張嘅，心會諗會唔會搞到大定唔開心。不過，我而家都冇再在意啲留言，我只會專注返而家我嘅工作。」