林漪娸短裙出活動狀態大勇　現主力拍攝《愛回家》：未有其他劇集

林漪娸、岑麗香和王馨平今日（9日）現身跑馬地出席醫學美容中心開幕禮，林漪娸雖然已經61歲，不過穿起短裙出席活動的她不減當年勇，她接受《香港01》訪問時分享保養心得：「鍾意做空中瑜伽同打Golf，如果嗰排覺得肥咗，食嘢就會食8成，好自然就會瘦返。鍾意少食多餐，食到飽到唔郁得就一定肥。」除做運動和控制飲食外，林漪娸說保持心境開朗同樣重要：「心情好緊要，有一個開朗嘅心情，所有嘢都會自己靚。靚除咗外表，身體好唔好都會有影響。」

林漪娸最近減少幕前演出，觀眾亦非常好奇她的工作動向，她說暫時主力拍攝《愛回家》：「耐不耐拍下《愛回家》，暫時未有其他劇集。拍劇幾吃力，時間長就有啲辛苦，每年拍一個未必會太多，而家呢個Age半退休。」她續指不用開工的日子反而更加忙碌：「一打Golf就去咗成日，有時約下朋友去練習場、約下食飯。」另外，林漪娸透露已完成拍攝劇集《異搜店》：「唔係靚嘅造型，有呢套劇未出，我自己鍾意係幾有趣。」

點撃睇更多活動照片：

同場加映

岑麗香兩歲仔仔Jacob愛模仿　將沙冰當膚護品：佢伸手搽喺面