【BIGBANG．有片】坐車繞場近距離見歌迷　T.O.P臨別騷感不捨

BIGBANG今晚於啟德郵輪碼頭舉行首個戶外演唱會「BIGBANG10 THE CONCERT - '0.TO.10' FINAL IN HONG KONG」第一場完滿結束，由六點九開騷唱到到晚上9九時完騷。

演唱會高潮一定BIGBANG五子坐上巡演車圍住場內繞場一週，不少粉絲都可以近距離見到五子，氣氛high爆。今年是BIGBANG出道十週年，五子在台上分別都有發言，其中隊長G-Dragon則用英文表示今晚是BIGBANG最好的演唱會，「我愛你哋，多謝一直咁支持我哋嘅粉絲。」認真識冧fans！

當中勝利表示知道有好多fans都係為即將入伍嘅T.O.P而黎，T.O.P都相當識做用英文同fans講：「今次演唱會之後會有段時間唔見大家，多謝大家今日到場。」期間仲用廣東話講多謝，其後再以英文講：「I love you Hong Kong。」