「上等人」梁舜燕盼新年和氣生財　百無禁忌：怕就唔好做壞事

大年初一，很多人都會說：「一年之計在春」，新一年要有新目標，準備要幹一番大事。不過，換個矯情的角度，人越大卻希望生活簡簡單單，過得開心就足夠。就好似著名的長輩經文《莫生氣》都有講：「人生就像一場戲，因為有緣才相聚。」何必執著呀？和和氣氣咁咪夠囉！而「上等人」梁舜燕（Lily姐）都好buy這一套，更說此乃養生之道：「食嗰方面，我就真係好隨便。我朝頭早起身一定會飲一杯水嘅，不過我又唔係點Keep。我覺得心情都好重要，樣樣嘢唔好咁執著。」心胸廣闊真係好重要，難怪Lily姐keep得咁好。

人一開心，就勝過用任何護膚品，更可以神采飛揚。聽Lily姐分享養生心得，順便可以吸收更多正能量，她再續道：「你自己覺得開心咪開心囉，開心好緊要。做人一定有困難時，人有悲歡離合，月有陰晴圓缺。我哋就咁樣去面對，要搵方法去解決，唔好話死啦、冇希望啦咁。我覺得希望在明天，永遠都唔好覺得失望。」腦海立即浮現一句：「請不要消失希望，夜長還是有星光！」

除了睇開啲，如何再令自己更開心？Lily姐就話：「好多年輕一代都會覺得我哋一把年紀，都好似古老。但就算我已經八十幾，我哋都要追上潮流。」所以新年流流，也沒有什麼要忌諱：「冇乜嘢要忌，忌呢就唔好做壞事，唔好去刻薄人。」不過，凡事都要量力而為，Lily姐都有向老友記提供忠告：「好似Fashion咁，我鐘意着靚衫，但就唔會著mini skirt同tight（迷你裙與緊身褲），我知道自己條腿唔靚，冇理由夾硬著呀嘛，最緊要就係要適合自己。」嗱，就算呢番說話係同長輩講都好，都係人人啱用，袋錢入你袋㗎！