【BIGBANG】娜姐阿sa唔駛排專車直達　粉絲草地呆等兩個鐘　

BIGBANG一連兩日在啟德遊輪碼頭舉行的演唱會，今日正式開始，由於要安檢及排隊關係，就算18:00開騷，但頭批觀眾(持有1-500號持票者)要14:00入場，絕對是體能、意志的終極考驗。有不少心急歌迷，昨晚就已經開始排隊，粉絲就要等，明星當然有特權啦！

周秀娜、阿Sa、馬天佑及Hidy@Supergirls就有大會專車安排，一車接到黃金靚位，娜姐表示今日病住嚟睇，她說：「我好鍾意佢哋，因為知道佢哋就嚟入伍，知佢哋嚟香港搞，就叫朋友一齊訂飛啦，訂飛都有啲難，因為驚搵唔到好好嘅位置，但我今日都病病哋，頭痛啦，跟住又瞓唔着啦，又喉嚨痛啦，聽日就唔得喇，因為要做電影嘅宣傳。」致於阿Sa就沒有做任何訪問，原本落車，但一見記者，就即刻跳上車速閃，不過都好好心，接載周秀娜，可能阿Sa心急入場睇騷吧！1不過不是明星就大哂，好像方力申和連詩雅就被拍得要排隊，兩位點解唔打俾阿Sa叫佢接埋你哋呀?
明星有安排，自然快一步，但平民就要用勞力換靚位，香港其中一位BIGBANG忠實靚女粉絲Yolanda亦有到場睇騷，她曾經同勝利在酒吧玩beer pong，不過她表示今次大會安排好差，她說：「大會安排得好混亂，我就應該14:00入場嗰批，我都13:30嚟到，但大會安排我哋喺草地呆等，冇嘢飲買，不過都有廁所，再等通知，成班人喺度等咗兩個幾鐘，之後先入到會場。」看來做明星真係好著數㗎！