吳君如大爆女兒反叛常「駁嘴駁舌」︰佢哋而家好政治正確嘅
撰文：李婉文
出版：更新：
吳君如日前到商台節目《口水多過浪花》宣傳電影《媽媽的神奇小子》，接受鄭裕玲（Do姐）訪問，二人本身好老友，邊聊天邊聚舊。君如談及跟女兒陳是知的相處。
吳君如和陳可辛育有女兒陳是知，原來囡囡已經15歲，講到女兒，君如指她開始反叛。她喜歡看美劇，又會「駁嘴駁舌」，君如說︰「（佢）好有主見，佢哋而家好政治正確嘅，你唔可以話人肥啦，唔好話人矮啦，唔可以話人瘦啦，人哋係好獨立嘅一個個體嚟，你稍為少少……即係你歧視咁樣，佢哋好多呢啲理論。」又指女兒好「迷」美劇，迫她晚晚陪她「煲劇」。君如表示囡囡性格內向一點，喜歡跟媽媽在一起。她又大爆原來她跟女兒常常吵架，「時常（嗌交），佢一嗌交我就滴兩滴眼淚出嚟。」
君如指拍《媽媽的神奇小子》跟演員對台詞，Do姐講到跟以前不同，以前拍戲喜歡即興，君如笑言︰「以前亂噏嘅，我哋拍《最佳損友》記唔記得啊？都冇嘢嘅，係經典嚟嘅，我哋唔好抺殺我哋以前嘅光輝。」
同場加映︰細數9對藝人與模特兒的絕配 陳卓賢Ian、盧慧敏郎才女貌襯到絕
+13
同場加映︰MIRROR十二子簽名逐個睇 姜濤、Lokman有相同之處！
+23