東京奧運︱Edan直播孖劍擊隊合唱《E先生》 吳諾弘急屎緣慳一面
撰文：張國基
出版：更新：
香港劍擊隊今晚（5/8）再開Live，吳諾弘今晚邀請了張小倫及蔡俊彥加入，蔡俊彥大學同房呂爵安（Edan）更有即時收睇，並獲劍擊隊邀請加入直播。不過，Edan加入前發生小插曲，吳諾弘因為肚痛想去廁所，一臉尷尬要求隊友接手，被大師兄張小倫訓斥：「忍陣啦！」但吳諾弘最終都走去廁所，錯過與Edan同場機會，非常爆笑。
蔡俊彥之後自己開Live邀請Edan及張小倫加入，收睇直播人數即時由幾千直上三萬。Edan表示正為《膠戰2》開工，偷偷地抽時間加入，膠戰Family亦有在旁為香港運動員打氣，歡呼「香港運動員加油」。Edan在直播中與蔡俊彥一人一句接力唱《E先生 連環不幸事件》，不過師兄張小倫走數，沒有接力。蔡俊彥又被Edan被踢爆，以前住宿舍時最喜歡打麻雀及玩啤牌，有時亦會在房中練劍。
Edan與蔡俊彥是大學室友，蔡俊彥奧運比賽後特別多謝Edan：「我之前有位大學好好嘅朋友喺鏡頭前面同我講加油，我頭先成個腦都係佢啲歌，咁我祝返佢嚟緊嘅票房大賣。」
點擊睇吳諾弘錯失黃金機會過程：
+6
同場加映：東京奧運｜吳諾弘孖張家朗開Live提陳約臨：覺得唔係咩大事