薛凱琪跟同片演員成閨蜜：賺到了友誼

薛凱琪（Fiona）出席HMV數碼中國集團盛大周年晚宴，一身高雅長裙的她剛完成《閨蜜2》的拍攝，Fiona表示今次拍戲一點也不辛苦，甚至覺得捨不得，她說：「好開心啊今次拍戲，我哋三個女仔一齊玩一齊癲，我自己都覺得好唔好意思，收咗人哋錢又日日喺到玩咁。」Fiona與其他兩個女演員情同姊妹，即使她們在不同日子殺青，但同樣地在殺青那天都哭，Fiona指這次拍電影賺到的是友誼。

被問到會否轉做演員，Fiona表示堅持兩棲藝人，她解釋道：「成日有人叫我不如你拍多啲電影啦，不如你唱多啲歌啦，但我唔想放棄其中一樣，以前好多藝人都又拍戲又唱歌，我覺得我都做到。」所以今年Fiona除了有新戲推出之外，籌備三年的國語大碟亦會在今年出街，這次更邀來好友方大同為她寫歌，她自己亦有份填詞作曲，她道：「今次大同仲會幫我做監製，其實夾到佢又夾到我錄歌已經好難，為咗呢隻碟嚟緊四五月都會開個mini concert。」今年Fi迷有福了，除了有Fiona的電影，還有新碟同騷睇！