炎明熹鍾柔美姚焯菲視MIRROR為學習對象 ：佢哋真係好犀利

炎明熹（Gigi）、姚焯菲（Chantel）及鍾柔美（Yumi）今日（21日）出席名牌手袋活動，三人在《星夢傳奇》決賽後首次公開露面，對住大批粉絲和一眾傳媒都顯得駕輕就熟，更親民與粉絲合照和簽名留念。

有消息指無綫有意讓三人與文凱婷組成女團，打造「港版BLACKPINK」，她們表示事前並不知情，不過會全權讓公司一手包辦，亦不介意簽華納或環球唱片。Chantel笑言一直很仰望BLACKPINK，很希望可以向她們學習。

Gigi當晚包攬三獎大熱奪冠，相比女團會否更想SOLO出道？「兩樣發展都係有經驗好啲，但女團就開心啲可以一齊做嘢，獨立發展就要更有經驗。」有傳無綫將乘勢推出《星夢傳奇II》，再加上ViuTV亦有《全民造星IV》，她們都很有信心不會被輕易取代：「我哋各自都有自己嘅強項，唔需要比較！」

男團MIRROR近期人氣高企，Chantel表示很希望以後有機會合作：「佢哋都係前輩，佢哋都好犀利喺香港嘅樂壇佔到咁大嘅席位，如果有機會都好想向佢哋學習。」被問到有否留意他們的音樂作品，她說：「有啊！佢哋其實真係好犀利。」