歐陽震華俾《刑偵日記》收視嚇窒 嘆觀眾口味有異：真係會睇唔明
撰文：林迅景
出版：更新：
歐陽震華今日（18/07）出席美容公司開幕活動，接受《香港01》訪問，他就談及自己的近況，表示已了疫苗針，正在等候香港與中國內地通關。他說：「而家已經密鑼緊鼓，儲緊可以返去一次過做多啲（工作）。」也說大多數都會以參演內地的「網大」（網絡大電影）為主：「同電影冇乜分別，而家趨勢都係網大，因為投資冇乜大，回報有預計唔到。」同時他也可以「密密食」拍多幾套。
《刑偵日記》現正播出，不過收視就約只有15.5點，歐陽震華聞言即說：「吓？唔係嘛？」會否回TVB拍一兩套劇救亡？他笑說：「使乜我返去救呀，佢哋自己救咗先啦，哈哈哈。」但其實歐陽震華也是《刑偵日記》的觀眾，還表示這套劇相當精彩，值得一看：「王浩信做得好嘅，我都有睇，但係呢套劇唔係咁家庭觀眾要嗰種，你睇有惠英紅、王浩信、黑仔（姜皓文），黎諾懿（陣容咁好），劇情我都覺得OK，但係呢套劇唔可以當《愛回家》咁嘅心態睇，一定要一邊睇，一邊聽對白，一邊留意佢哋啲戲，所以屋企煮緊飯或者食緊飯睇真係會睇唔明。」表示觀眾口味會有不同，有些人喜歡如《寶寶大過天》一般簡單直接的劇情，也會有些人喜歡《刑偵日記》這種複雜的劇集，各人有各人所好，所以收視都會有不同。