麥明詩轉行後畀多咗家用？ 麥何小娟自爆收任碌附屬卡：好感動
撰文：葉詩
出版：更新：
麥明詩媽媽麥何小娟今日（14/7）出席書展活動。她接受《香港01》訪問時坦言麥明詩小時候好難教：「拖佢隻手會Fing甩你，嗰時歲幾兩歲咋！（點樣教到佢聽話？）我本身做青少年成長嘅相關工作，做咗幾十年，好慣處理細路仔問題，所以都係用啲專業嘅方法處理佢。」
點擊下圖觀看現場情況：
+4
談到麥明詩轉行做商業顧問，問家用有否減少，麥太坦言差不多：「不過隨着佢喺社會做嘢耐咗，可能累積嘅金錢多咗啲，所以佢而家會闊佬咗。（送多咗禮物？）都會，愈嚟愈大，個人愈來愈孝順，最記得係屋企水喉塞咗，要搵人搭棚搞，佢二話不說就轉錢畀我，前後都唔夠一分鐘，唔係錢嘅問題，係心意。」她又指女兒給了她附屬卡，讓她好感動：「佢話好想我哋可以享受多啲，覺得我哋之前都捱咗一世。」
+51
至於有否催麥明詩搵個男朋友？麥太說：「佢而家都好注重佢嘅工作，我估佢有時都有啲約會，我成日都同佢講，有好男仔就介紹下。（真係有帶返屋企畀你望望？）以前有嘅，最近就冇。（以前有帶過行內人返嚟？）我都唔知係行外定係行內！」