洪永城結婚丨蕭正楠、黃翠如早知造人成功：真係好叻仔
撰文：賴家杰
出版：更新：
蕭正楠和老婆黃翠如今天（11日）出席洪永成（Tony）與梁諾妍的婚禮，二人笑言準備了非常實際的東西給新人們：「我哋有送首飾，因為知女家親戚朋友都好錫佢，見到佢嗰個首飾環吊係心口好犀利，但見到Tony就差咁啲，我哋都安排一啲首飾畀佢，成件事balance番。」
Tony在接受傳媒訪問時自爆榮升做爸爸，翠如笑言一早知道：「之前知，係覺得好叻，我哋一路睇住佢，由小朋友跟住去到變男人，依家做埋爸爸。當佢一話有小朋友我就心諗慘喇，似爸爸好定似媽媽好，都好好嘅，然後另一樣好期待見到個BB。」阿蕭續說：「係好短時間見到佢蛻變，所以真係好叻仔。」
Tony亦不介意與人分享到兩個月內，6、7擊便造人成功，阿蕭聽到也有點驚訝：「講埋添呀，咩叫6、7擊呀，我唔明。」翠如再說：「都唔知講咩。」談到Tony他們的婚後生活，翠如直言相信不會有太大分別：「其實見到Tony我哋都忍唔住去蝦佢，佢兩個都好Funny，相信結婚唔會變，都係好搞笑相處。」
+7