陳自瑤西貢拍豐胸廣告曬極養眼水着　分享Fit爆秘密：少食煎炸嘢

陳自瑤（Yoyo）周五（9日）在西貢浪茄拍攝豐胸廣告，海天一色的景致加上靚人靚身材，可謂相當養眼。談到美容公司在疫市下仍揼本賣廣告，據稱續約價更高達七位數，Yoyo笑指反而逆市賺多咗相當感恩：「疫情下有工作、又有代言續約已經好幸福，（賺多幾多？）少少啦，都OK啦。（會點樣用？）呢行始終收入唔穩定，我係小慳妹都會儲起佢。（想買樓？）呢個係終極目標，而家都仲儲緊。」

Yoyo身材出名Fit到漏，姣好身材連女生都稱羨，她亦毫不吝嗇大方分享箇中秘訣：「我係一個比較注重健康、養生嘅一個人，除咗食好多Supplement之外，自己嘅飲食習慣都偏向健康少少，我由細到大都好少食煎炸熱氣嘢同零食，唔係完全唔食，但唔會特登去買，飲嘢方面就係暖水同養生茶，我諗呢啲生活習慣幫咗我好多。」

點擊下圖觀看活動靚相：

Yoyo早前在配音節目《好聲好戲》奪冠，近日又相繼演出《寶寶大過天》及《識貨》，無論是劇集還是綜藝工作都忙個不停，可謂備受力捧；Yoyo坦言的確少了時間陪囡囡：「之前比較都會盡量抽時間陪佢，所以都OK。」是日拍攝的浪茄水清沙幼、又是露營聖地，Yoyo對囡囡未能同行大感可惜：「始終今日要集中喺工作上，或者有機會遲啲放假再帶佢嚟玩。」

點擊圖輯睇Yoyo性感靚相！