香港小姐2021｜去Staycation取代海外拍攝　佳麗入營隨時被淘汰

《香港小姐2021競選》將於9月份舉行，今日（7月5日）28位候選佳麗會見傳媒。《香港小姐2021競選》統籌經理何小慧和項目統籌顧問鍾子綸接受《香港01》訪問時，就表示今年競選會有新安排。

何小慧：「今年有啲唔同，人數係特別多，因為今年係會有semi-final。」鍾子綸：「今年規模大咗，人數都多咗，亦都加插咗啲環節。」她們也表示，今年會新增一個為期兩星期六集的節目，安排28位候選佳麗去Staycation，以取代以往的海外外景。她說：「下星期佢哋就會入營，好似Staycation咁，訓練營同埋淘汰都會喺嗰度發生。」

她們透露，也會有以往慧妍雅集的港姐以及藝人港姐擔任導師參與訓練營，不過淘汰方法以及人數，她們就賣了一個關子。28位候選佳麗一齊相處近一個星期，會否怕多是非？何小慧：「唔驚得咁多㗎啦，再加上今次Cynthia（鍾子綸）今次係做女教官，所以會嚴謹咁對佢哋。」鍾子綸：「將佢哋優點發放晒出嚟。」她們也透露，將於西貢一間新開的酒店進行訓練營。

點擊睇今屆28位佳麗：

同場加映：香港小姐2021｜大熱花女陳聖瑜起底　做奢侈品統籌：KOL係副業

點擊下圖睇「花女」靚相：