劉詩昆期待7個月囡囡上台獻花　老婆孫穎：想生多個陪囡囡長大

現年82歲的國寶級鋼琴家劉詩昆與44歲的太太孫穎周六（26日）出席首波七一回歸活動，並帶來《送你一支玫瑰花》的鋼琴與琵琶的合奏演出，又透露7個月大的囡囡貝貝將上台獻花，孫穎透露：「劉老師好期待呢一幕！囡囡好識同人交流、會對大家微笑，見到多人佢都唔驚，希望下一次可以一齊表演。」作為女兒控的劉老師又一臉寵溺讚女兒有音樂天份：「我們一彈琴她就手舞足蹈。」又表示完全捨不得離開女兒身邊：「一天也離不開、一個小時也離不開，剛剛離開了兩個小時已經很想念。」孫穎續言：「老師收到好多演出邀請，但一諗到要隔離、要離開囡囡就唔捨得：『我淨係參加香港嘅演出就算。』」至於早前孫穎曾透露想再生二胎，她就回應：「計劃中，諗住俾佢再享受多少少獨寵嘅時間，之後再順其自然，都希望有小朋友陪佢一齊長大。」

劉詩昆老當益壯81歲得女感自然　老婆孫穎：生多兩個弟弟就最理想