【愛．回家】邵珮詩係維他奶後人　做港姐冠軍：呢行唔可以靠家底

無綫處境劇《愛．回家之八時入席》捧紅了不少新星，尤其一眾邦主(黎耀祥飾)下屬，例如十仔(馬貫東飾)、Elsa(簡淑兒飾)等等都齊齊上位，但在片頭晚晚出現，劇中飾演欣欣的26歲邵珮詩Veronica，反而沒有太多人談論。劇中不起眼，現實中邵珮詩亦經常被忘記，尤其2015年麥明詩當選港姐冠軍時，很多人以為是陳凱琳為她加冕，但當見到出場的原來是邵珮詩時，大家先記得這位2014年三料港姐，被「skip」的大滿貫港姐冠軍。

邵珮詩於加拿大名牌大學Simon Fraser University 心理學畢業，維他奶創辦人之一邵蔚明是她的太公，加上樣子甜美、曲綫身材，在起跑綫上絕對幾可級數拋離其他姐仔，但不代表在娛樂圈就可以大紅大紫，邵珮詩亦明白這道理，她說：「好似十仔(馬貫東飾)咁，佢都要捱好多年先做到今日嘅成績，自己都俾人鬧我雞仔聲，我唔開心，但我去聽，去改，毛姐（毛舜筠）、祥哥（黎耀祥）亦叫我演戲唔好造作得太多，要自然啲，我亦慢慢去揣摩。選港姐真係我第一份靠自己能力攞到嘅第一個工作，因為之前可能靠屋企關係去做office，去coffee shop做都係朋友介紹，第一份靠自己嘅工我好想做好佢。」

或者真的太想做好這份工，邵佩詩很遵從大台那㮔保守規矩，比起陳凱琳有個鄭嘉穎做男友，麥明詩不時在社交網絡發聲，邵珮詩的確太低調，她亦開始明白自己以往太「收埋」。昨日她出席明珠台宣傳活動，介紹節目時突然自爆曾經同三個日本人拍拖，她說：「我以前唔敢講拍拖㗎，但𠵱家覺得無咩所謂，正常廿幾歲女梗係會拍拖啦，我想講自己嘅嘢多啲。等人知道我係一個點樣嘅人。其實我有時都儍儍地，好多人話我有錢女嗰樣嘢，但呢行又有幾個有錢但又做到成績？呢行唔可以單靠嗰樣嘢，我一直都學習緊，等緊一個大家會接受我嘅角色。」