七仙羽演「譚仔姐姐」後自信心大增　外籍男友陪出活動勁體貼

堪輿學家七仙羽最近因亮相多個ViuTV節目而愈來愈紅，早前更在廣告中扮演「譚仔姐姐」，不少網民直指其廣東話唔鹹唔淡，扮得唯肖唯妙。今日（29/5），她出席食店宣傳活動時便指自己拍攝廣告後自信心大增，接受傳媒訪問時稱出街有不少人識得她並叫她「譚仔姐姐」：「冇諗過咁好反應！」

提到七仙羽之前在節目《晚吹 – 有酒今晚吹》中透露剛剛甩拖的ERROR成員肥仔對練美娟有意思，她坦言純屬講笑：「我成日話肥仔係武大郎，娟姐係潘金蓮，佢哋唔會發展，娟姐品味唔會搵矮細嘅人，而我知肥仔都唔會鍾意娟姐，因為娟姐有啲野性，肥仔想搵啲乖啲嘅女仔。」又指肥仔工作太忙，沒有時間拍拖。

另外，與七仙羽拍拖十年、任職金融界的外籍男友亦有前來撐場，七仙羽坦言男友也會間中幫忙從旁協助打點一切。

點擊下圖觀看七仙羽幫「口罩小姐」173落單、上菜情形，以及七仙羽的外籍男友：