張敬軒見「遮遮」終於煮出高水準飯餸超感動：成餐慳住啲腎嚟食

張敬軒去年聘請外傭「遮遮」後常常化身「早餐KOL」在Instagram分享工人姐姐炮製的災難性早餐，為網民提供了源源不絕的歡笑聲。軒仔今日（27日）更新IG表示自己已經有一個月沒有在家中吃午餐，終於久違地食到有水準的飯餸令他大為感動：「要慳住啲食！」

軒仔之前食的早餐不外乎都是方包、烚蛋、粟米，甚至連青瓜加白粥都試過，對遮遮廚藝失去信心的他今日卻竟然喜出望外，朝早遮遮問他：「摸寧蛇！What do you like for lunch?（你想要食什麼午餐？）」軒仔表示想再試那味「炒雞腎」，並強調「again係重點吖吓」，一個小時之後，遮遮就向他表示已經買好新鮮的雞腎和京蔥準備煮飯。

點擊觀看張敬軒平時食什麼早餐：

張敬軒於12點15分終於有飯食，除了有主菜薑蔥炒雞腎之外，又有一碗白飯和湯非常豐富。他大讚好食，並表示這已經是自己第二次食，可惜腎的份量比蔥還要少令他不夠食忍不住呻：「#我成餐飯要慳住啲腎嚟食 #咬半粒腎扒兩啖飯 #有種嗌薑蔥炒雞腎走腎嘅感覺 #其實佢出發點係好因為佢唔想嘥咗啲蔥 #佢係咪諗住啲薑可以驅風 #多到痴線 #至少佢令我明白薑蔥炒雞腎同雞腎炒薑蔥嘅區別 #今日同我開工聞到成浸薑蔥味唔好意思因為我成肚都係」。