麥明詩有富貴新仔力追　十優港姐落閘：佢有好多追求者！

3個月前，麥明詩與林作分手，兩人關係由戀人「降呢」成為朋友，留下了最大懸念，讓大眾覺得他們一直藕斷絲連。不過，因著兩人的朋友關係，最近就有傳媒發現麥明詩有人「埋身」，對方就是麥明詩大學同學Thomas Chong。報導指麥明詩上周二在《失戀日》首映，Thomas都有出席撐場。電影散場後，麥明詩同友人去食完宵夜，會合Thomas，再由男方揸車送麥明詩回家，護送備至。

麥明詩對疑有新歡一事作出回應，直指與Thomas是多年好友，否認與對方行埋：「Thomas係我識咗好耐嘅朋友，哈哈，佢本身有好多追求者，你哋唔好搞到影響咗佢啲姻緣啦！」問到同對方咁Friend，理應非常了解對方，咁有無機會拍拖？她就落閘：「冇可能一齊，因為太了解啦，所以不能一齊。」

其實麥明詩的多年好友Thomas Chong的條件優厚，實屬城中筍盤。他就讀劍橋大學工程系。據報導指Thomas爸爸莊純良與成龍是好朋友，而Thomas的伯父莊純傑是著名的星級中醫，有不少藝人幫襯，包括劉德華、陳奕迅及容祖兒等，家境來頭都幾勁。