范振鋒（Ricky）今日（8/5）現身新城電台為節目主持。臨近母親節，Ricky表示會同家人慶祝：「我阿媽仲講緊會唔會同佢飲茶先，不過都會同佢連同外母一齊去飲茶嘅，然後再封番封大利市畀佢哋。而第二日就會再同媽咪再去婆婆屋企，陪婆婆打麻雀，畢竟婆婆年紀都大，打麻雀又係婆婆最鍾意做嘅事。講真喺咁嘅時候，一家人難得開開心心可以聚埋一齊，真係好難得，不過我落場打一定會鬆章畀婆婆等佢食糊，見到佢老人家開心，我就覺得好安慰。」范振鋒透露母親節會陪同媽咪及外母飲茶慶祝。（葉志明攝）