薛家燕右眼病變再度接受手術　前前後後要做足三次

薛家燕今日（8/5）現身新城電台為《開心大派對》主持節目。被問到母親節點過，家燕姐表示：「今日我啲仔女同新抱為我準備慶祝母親節，一陣間可能會影相，所以今日衣着方面，就特別揀咗件粉紅色衫，着上身感覺會後生啲。」

提到早前右眼病變需要做手術，家燕姐表示：「而家情況好啲，醫生話可以戴返隱形眼鏡，所以而家唔使戴眼鏡之餘，又可以化番個靚樣。不過嚟近12號，我又要再做第二次手術，因為一個月要做一次，前後要做三次手術，咁所以可能做完第二次手術，又要休息幾日先可以戴番隱形眼鏡。」