多圖｜林作拳賽處男戰狀態大勇　打到extra round以一分之差落敗

林作今日（01/05）正式打第一場比賽，第10場（Shoot 10）男子業餘組67公斤！不過對手就並不是鍾培生，而是一個19歲的拳手黃明隽。賽前林作接受《香港01》訪問時，就豪言對自己充滿120%信心，更說：「今次係處男戰，破處就好熟㗎啦，不過諗咩都冇用，最重要係頂硬上！人生活到三十有一，所以破處經驗都頗多嘅。」不過到正式落場後，就似乎是另一回事。

林作還說，昨日過磅時體重達69公斤，超過兩公斤。所以到正式比賽時，他就被罰兩分及一張紅牌。拳賽中兩人共了四回合，頭一回合林作採用賽邊遊走方式，不斷閃避對手的攻擊，但進攻不多而且多次被打甩護頭套，到第二回合林作就開始略有攻勢，更多次攤開雙手挑釁對方，態度十分得戚，三回合之後雙方居然打成平手，最後裁判宣布要加時進行extra round，在這一回合，林作就顯得十分進取，30秒左右更連番重拳擊中對手，女朋友裕美更看到非常投入，大嗌：「打死佢！」不過林作最後還是9比10一分之差輸給19歲的黃明隽。

林作落場打拳，除了有裕美陪伴左右，原來鍾培生亦抽空睇拳賽，被問到為什麼出現，鍾培生就笑說：「我嚟緊睇女朋友比賽。」而賽後林作就說：「我知佢（鍾培生）暗戀咗我好耐，我研究咗一排，佢應該雙性嘅。有少少感動，開心嘅。」談到自己的表現，林作回答：「輕鬆啦，當我發現對手係𡃁仔嘅時候，我覺得冇理由咁樣恰佢㗎嘛，所以係放鬆咗腳步。我有少少讓賽，咁樣（贏）係勝之不武，我頭先大概係只用咗一成實力！彈吓彈吓，都唔似係想同佢死過，如果想同佢死過，戰術上就係企定定喺度。」

點擊下圖睇　林作拳賽處男戰：