林作首場拳賽出師不利　過磅發現超重2kg被罰紅牌

林作同鍾培生嘅「百萬擂台戰」將於9月進行，而近來積極備戰嘅林作將於明日（1日）參與《Energy Fight 2021 第一回》，不過喺比賽前夕，林作唔知道原來有「做磅」呢個動作，並發現自己超磅2kg（本身體重不能過67kg，不過林作現為70.1kg），結果被罰紅牌兩張。

其實喺拳擊賽制中，每一個體重級別都有其標準範圍，所有參賽選手都要過磅，若超出範圍即視為失格、非君子行為，需在限時內減磅，但由於林作超磅太多，所以被列為非君子行為。而明日同佢對實嘅黃明雋已知悉林作超磅一事，並接受繼續對打，二人將會出現在第十會合男子業餘組67公斤（西洋拳）。林作接受訪問時表示已經有一定策略，而明天純粹為攞感覺並不在乎輸贏，但自覺一定會贏，又指自己輸的話會樣衰同尷尬。