【一索得男】陳敏之冬至誕下大腳B：真係辛苦媽咪了

恭喜恭喜！「索腿天后」陳敏之生咗喇！今年7月陳敏之宣佈造人成功，一索得男，事先就講定預產期會在12月，昨晚她就已經入院準備待產，今日就傳來好消息，順利為老公雷偉信（William）誕下一子，BB仔重7磅11，母子平安。事後敏之亦第一時間在社交網站上貼BB相，與大家分享這個等待己久的喜悅。

從照片中看，BB仔擁有一雙大腳板，相信遺傳媽媽陳敏之的優良基因，肥嘟嘟又睡在媽媽的懷抱中，十分可愛。敏之又代囝囝向大家問好：「各位Uncle、Auntie, 我已經出咗世啦！我有7磅11，還擁一雙大腳八！真係辛苦媽咪了。」不少粉絲得知敏之生咗，都紛紛送上祝福，認為囝囝有大腳仔將來一定高人一等，又表示在冬至出世，完全是喜上加喜，相信囝囝的到來已是敏之最好的聖誕禮物啦。