【大步走】李君妍圍城競跑衝線腳軟：可能上身較重負擔大！

李君妍今日（6/4）現身將軍澳電視城出席無綫劇集《大步走》之「跑友大步走·終極戰」，連同其他參演藝員及「跑友大步走」得獎者一同圍繞電視城競跑，場面熱鬧。

提到衝線一刻氣來氣喘，君妍笑言：「頭先衝線嗰一刻，小腿突然好似有啲事，唔知係唔係乳酸積住，好似企唔穩，可能上身比較重，負擔比較大，所以腳軟。其實喺我人生裡面跑步經驗唔係好多，我只係鍾意做一啲靜態嘅運動，最好就係游水喇，因為唔使出汗。（你都幾識揀！）最好就係瞓喺度做運動嗰啲。（呢類型運動減肥成效不大！）哈哈！所以我下半身比較肥。」