流行經典50年｜劉佩玥處女跳唱《信者得愛》 手腳不協調長腿搭夠
撰文：洪曉璇
出版：更新：
《流行經典50年》由2017年首播，到4月4日終於迎來最後一集。劉佩玥3年多以來多次受邀，好在趕到尾班車把握最後機會，同劇集《降魔的》中嘅好姐妹譚嘉儀，組成期間限定女團又唱又跳﹗
劉佩玥2013年參選港姐入行，一直以拍劇主持為主，甚少聽到佢唱歌，更加極少見到佢嘅舞姿。呢日佢同譚嘉儀組成「降魔的姊妹花」表演《信者得愛》，雖然阿Moon自嘲「手腳不協調」，但睇返播出佢地又唱又跳相當賣力，二人一個騷長腿一個騷纖腰，一高一矮跳起舞上嚟意外咁夾。
Moon喺IG貼出合照感謝好姐妹邀請，獻出幕前唱跳處女作：「其實每一次跳舞對我來說真的很有挑戰性，每一次都會經歷同一個過程，第一堂由手足無措到返屋企用幾個小時將錄左嘅video變龜速，然後每一個step逐一擊破，第二堂先可以將所謂嘅動作同音樂合而為一再不停練熟。對！既然知道自己這方面天資不聰慧，必比其他人花更多時間和心機準備。坦白說呢嘻嘻，我不能說這一次跳唱有多好，真的不夠好，但我每次都盡力做好自己，對得住拍檔對得住舞台對得住自己，這次選的歌是我和嘉儀都很喜歡的，所以無論唱或跳舞時都好投入，好想表達一種力量，神給我們的力量，希望大家都會喜歡！」
點擊睇阿Moon表現及更多靚相：
+25
不過網友另一焦點，就係跳舞前傾計環節，阿Moon戴住透明口罩時，靚樣慘被糟蹋，就同陳瀅早前出席活動時一樣，臉頰蘋果肌被擠壓非常突兀。
即睇「透明口罩」出事案例：
+31