後生仔傾吓偈 | 趙增熹爆監製秘辛 唔會發歌手脾氣 ：焗住要讚
撰文：鄺鈺瑩
出版：更新：
曾為劉德華、李克勤、葉蒨文、李玟任音樂總監嘅趙增熹，其音樂成就有目共睹。喺最新一集《#後生仔傾吓偈》中，呢位音樂總監大爆工作秘辛史，除過試過一首歌錄成年都未完工之外，亦大部份時間都要揜住良心開工……
趙增熹透露歌手遲到已經係例行工事，所以他與錄音師等人都會搵定節目消遣時間。「有時佢哋得兩小時，錄幾多你自己搞掂佢，就算唱唔到、唱得差都係我自己搞，而家科技愈來愈進步，監製做愈多呢一類的事情。」當問到有無歌手一聽就知唔掂，但仍然堅持出歌時，趙增熹就以「唉」聲作為回應，十分好笑。「我差不多所遇到的所有歌手一入來都會講『今日把聲唔係好掂』，反而從來未聽過『今日把聲好正』」。
趙增熹又透露，曾經有歌手在失戀時寫歌，連他自己聽到demo時亦覺感人。「但再入studio已經係兩年後嘅事，佢已經蜜運當中，所以唱極都唔夠好，最後搵咗蝦頭用做戲入手，搵返啲感覺出來，但都只能夠一次性，問佢唱唔唱到多一take已經唔得。」趙增熹表示呢首歌最終係成功面世，但前後錄了一年多時間。節目中，趙增熹多次指自己係服務性行業，所以從未來都唔會發歌手脾氣，問到曾否遇上歌手表現不佳時，都要焗住話正，趙增熹就話「大部份時間都係咁」。
點擊下圖睇波波心機LOOK：
+5