江美儀鬧人純為節目效果　陳浚霆變契爺：我哋其實好好朋友　

江美儀、滕麗名、陳浚霆及麥包以《街市遊樂團》名義，出席惜食活動。早前被指在節目不斷鬧陳浚霆的江美儀，在台上就成為抽水對象，被麥包一句：「我就唔識鬧人嘅！」抽到盡一盡。不過，江美儀與陳浚霆周不時搭膊頭搭到實一實，用行動證明兩人好Friend。

Friend到點？陳浚霆就笑言做了江美儀的契爺：「我哋其實好好朋友，好到美儀做咗我個女，遲下有時間要上契先得。」他再保護「契女」江美儀續道：「其實呢啲都係節目效果，都無諗過會有咁大迴響。」江美儀聞言表示：「本來諗住同佢傳下緋聞，點知就大家誤會咗，佢（陳浚霆）私底下好乖，佢好努力做嘢㗎！最近仲捧紅咗佢添，喺街有個女fans話好鍾意睇佢，仲做咗佢契媽。」陳浚霆笑言新年要向嗰位契媽拜年。

另外，有報導指江美儀去年演出的舞台劇《嬉春酒店》出現酬勞問題，江美儀對此表示：「問題目前已經解決了，也很感恩早前的演出機會，事件也沒有拖得太久。」