方力申經常同陳瀅扯上關係 　唔怕阻礙對方識男仔：我只係煙幕！

緋聞情侶方力申（小方）同陳瀅今日（19/3）雙雙現身電視城出席清談節目《Tiger’s Talk》宣傳造勢活動。二人被問到經常被扯上關係，會否感到無奈？小方直言：「其實講緋聞呢一行就一定會有嘅，但我最怕就係啲人講到個男仔周圍去識女仔，又會話個女仔又要搵有標準條件嘅男仔。咁其實我哋做節目就係要做一啲效果吸引觀眾睇，而且佢（陳瑩）喺外國長大，咁佢就會放啲，呢個係佢性格嚟，咁並唔代表佢係一個有機心嘅女仔。」

被問到同小方緋聞會否阻礙其他男士追求？陳瀅想回答時，小方搶著說：「咁先好呀，咁樣先多人追呀！因為要搶吖嘛。我就慘啲冇人搶。我只係成日做人煙幕，外間成日講到我大把女，其實全部都係煙幕。不過唔緊要啦，我係男人嚟，膊頭夠闊。」陳瑩情深望住小方甜笑說：「多謝你啦！」