莊思敏結婚周年接種科興疫苗作禮物　網友問有沒有副作用：我冇嘢

新冠肺炎疫情近日相當反覆，政府宣布擴大新冠疫苗接種優先群組範圍，及增加兩個組別，30至59歲人士、在香港以外就讀嘅16歲或以上學生及家庭傭工。40歲嘅莊思敏，仲有妹妹莊思明以及男友楊明原來都已前往接種首針科興疫苗。

3月15日係莊思敏結婚一周年，佢嘅慶祝活動原來就係去接種科興疫苗。莊思敏於IG打卡指自己「準備打疫苗」，其後亦出POST表示：「今天的禮物，鮮花加疫苗。希望大家都快啲去接種，保護自己加保護身邊人。」佢抱住大扎玫瑰花自拍，又影低接種紀錄及小冊子，上面標明莊思敏接種嘅係「克爾福來」即中國科興生產之疫苗，佢亦有回應網友指暫未察覺有任何副作用。

而楊明及莊思明原來亦喺同日接種科興疫苗，由於餐飲業屬優先接種組別，經營食肆嘅楊明與女友自行到診所接種疫苗。