【生化危機】陳曉華恨做打女唔介意頭髮「鏟青」：有得拍我即刻剪

陳曉華（Hera）今日（15/3）現身將軍澳電視城出席《明珠930:生化危機》系列電影記者會。Hera表示：「因為自己比較男仔頭性格，呢類型好刺激嘅戲，其實好啱我睇。今日我呢一身打女造型，一直係我夢寐以求嘅。而呢類型嘅戲，我係一直都好想拍，雖然未知幾時可以參與，但我已經秘密練兵咗好耐，只係等緊一個機會。（咁有冇去𢯎監製叫畀機會？）咁又未有機會去表達呢個意願，但如果有得畀我拍，要我好似龔嘉欣咁「鏟青」，我即刻剪呀！」