吳孟達逝世︱藝訓班與周潤發同屆　遺憾未當主角︰想拍套自傳電影

縱橫影壇48年嘅吳孟達2月27日因肝癌逝世，終年70歲。吳孟達1953年於福建廈門出生，7歲隨父母移居香港，自言從小對表演有興趣，1973年投考TVB第三期藝員訓練班入行，當年同班嘅仲有周潤發、林嶺東、盧海鵬等，當年達哥更以第五名好成績畢業。

吳孟達開工突感心臟不適　痛苦掩心口唔肯休息：歇十分鐘沒有用的

1974年吳孟達正式參與劇集拍攝，最早演出係《民間傳奇》系列；直至1979年憑《楚留香傳奇》「胡鐵花」一角，開始受到注意。80年代達哥喺TVB產量相當高，最高峰試過一年拍7套劇集。當中1989年嘅《蓋世豪俠》和《他來自江湖》最深入民心。由1975年至1992年，吳孟達喺TVB拍攝超過半百劇集，其後轉往電影界發展。

周星馳吳孟達TVB台慶呻傾續約難：做唔夠Show仲要加人工喪盡天良

大半生喺影視圈打拼，達哥都係配角，永遠嘅三叔、黑仔達，亦係傳聞中片酬最貴嘅配角，甚至比主角更高薪。然而萬年配角都有想做主角嘅一日，達哥曾喺接受訪問時話：「有了配角的幫助，主角才會演得好。希望拍一部自傳電影，直接取名《吳孟達》。」話希望同佢合作過嘅大明星好似有田啟文、黃一飛、林子聰，周星馳劉德華等都可以參演一角。可惜最終達哥未能如緣開拍呢套戲就離世。