黃德斌歎行山與拍攝一樣宿命難違 望《天與地》添食加長版
撰文：林通賢
出版：更新：
《幕後玩家》昨晚播完，台慶劇只剩下《致命復活》，今日一眾演員到屯門宣傳，而劇中主角之一的黃德斌除了被網民討論他是否凶手外，他當主持的《天與地》亦剛播完，不少網民覺得節目太短，連黃德斌也表示同意，他說：「我都覺節目太短，但其實拍咗好多嘢，但好無奈地要掉咗佢，其實導演已經盡力，但篇幅有限，正好帶出人類嘅渺少，有時行山同拍嘢一樣，宿命難違，呢套《天與地》就完全帶出咗呢種訊息，希望下次再去其他地方就可以集數多少少。或者今次整個加長版喺J2播啦。」
而下星期日（18日）是頒獎禮，德斌亦對自己有信心，他說：「我一定話有信心㗎，起碼我會投自己先，女主角就邵美琪啦，飛躍男藝員就馬貫東，同佢喺《鐵馬戰車》合作，覺得佢好踏實，好認真做戲嘅年青人。」