許廷鏗傳過檔華納取代周柏豪 ：邊有咁易呀！

TVB盤菜宴來到第二晚，一眾高層陳國強、李寶安、余詠珊及樂易玲繼續出席之餘，亦有不少藝員，包括楊秀惠、李施嬅、陳智燊、許廷鏗、吳業坤、胡鴻鈞、張頴康及麥雅緻等到場。

今日有報導指許廷鏗快將約滿星夢，過檔華納取代周柏豪做一哥。他聞言表示：「一直都有呢啲傳言，其實我仲未約滿嘅，我同Herman（何哲圖）仲會有一段時間合作，都希望大家都可以focus係我的音樂上，唔想因為呢個搞到其他同事嚟到呢個盤菜宴會係擔心去向。（但話你過檔華納取代周柏豪？）邊有咁易取代到呀！間公司其實最難取代嗰個係陳詠謙，佢寫詞畀我㗎！」

問到公司給予的自由度是否不夠？許廷鏗表示：「其實好夠㗎！我係音樂上都有好多嘢可以發揮。點解會有呢件事發生呢，我覺得係最近陳柏宇講起「永遠效忠Sony」，所以再開始留意其他歌手嘅去向啫。（咁你都會留係星夢？）我同Herman大家都有個共識，總之仲會繼續合作一段日子。」