梁齊昕傳入院兩個月　好友唐貝詩：當然希望佢快啲好

名媛寇鴻萍長女唐貝詩（Lydia ）現身灣仔演藝欣賞音樂劇《綠野仙蹤女巫前傳》，與梁齊昕屬好友關係的她被問到有傳齊昕已入院近兩個月，她透露有少少留意這些報導，不過別人的事不想多談:「人哋嘅嘢唔答，但如果真係唔舒服，當然希望佢快啲好，我都有留意少少，但唔想講太多，因為唔知人哋底線嘅嘢。」

Lydia又講到若果齊昕不舒服，有情緒問題的話，要給予多些空間給她:「始終都會敏感嘅，人哋對佢講嘅說話。」談到齊昕爸爸梁振英以「照顧家庭」為由宣布放棄連任，Lydia坦言:「咁大決定我唔知咩係好，咩係唔好，但如果家人對佢嘅關心，為自己作一個咁既決定係開心嘅。」她表示最重要是出發點為齊昕好，之後會再發短訊關心對方。

另外，Lydia表示自己與妹妹均在英國倫敦讀書，剛好今次的音樂劇來自英國，她笑言小時候已經與媽媽欣賞過這套劇:「但太細個唔記得喇，所以要嚟睇多次，始終文學嘅嘢係要了解下嘅。」