半百藤原紀香瘦身成功 腰間零贅肉原來有代價

被封日本性感女神嘅藤原紀香，自與《半澤直樹》男星片岡愛之助婚後，曾一度暴肥兼驚現現雙下巴。不過4月將有舞台劇演出嘅佢，近日已回復纖瘦身形，並在社交網站上網健身照片，照片中只見藤原紀香整個人將腰靠在健身器材上，雙腿騰空打直，她發文表示自己每日都全力以赴接受訓練，又透露因為剪咗留海而心情大靚。

藤原紀香又話除咗固定去健身室之外，喺屋企亦會使用唔同健身器材，亦會抽空去做淋巴和經絡穴道按摩，藉此消除疲勞，唔少網民睇完之後都留言：「身材超好，漂亮果然是要付出代價的。」其實今年6月藤原紀香將踏入50歲，但依舊維持挺胸翹臀的好身材，相信佢真係下了不少苦功。