陳山聰囝囝被胡定欣抱住一臉驚恐　見黃智雯姚子羚即變笑口棗

陳山聰在去年7月榮升做爸爸，囝囝陳霆軒（Jaco）現時已經7個月大，更愈大愈可愛！日前胡定欣趁着農曆新年到山聰屋企拜年，她在IG寫道：「真係忍唔住要同大家分享下我係點畀利是你個仔！溫柔到咁，你個仔都要用咁的眼神望住我，咩事先？我真係心都碎！#有片為證 #讚你靚仔仲要咁樣望我 #枉我幫你整咁多STICKERS #Jaco仔你的品味真是耐人尋味」。相中被定欣抱住的Jaco竟然瞪大雙眼，一臉驚恐！

山聰就留言解釋道：「其實佢啱啱瞓醒覺，所以未反應得切，放心下次嚟一定會交足反應。」而黃智雯（Mandy）、姚子羚及趙希洛在定欣離開後亦有到山聰屋企拜年，不過Jaco同三位靚女合照時就露出可愛笑容，同見到定欣時的態度大不同！子羚同Mandy都有分享Jaco的得意照，不過山聰就笑言不要再刺激定欣，但子羚卻說︰「叫佢自己返屋企諗下。」搞到定欣無奈回應︰「所以我傷心到走咗。」點知子羚竟然踩多腳：「小朋友最真心。」相當搞笑！