李靜儀Heidi逆市升呢做老闆　密謀增值再圓「咖啡夢」

趙慧珊（Aka）、李靜儀（Heidi）和余潔滢（Zoe）三位二月壽星獲經理人公司同門藝人，舉行小型生日會。熱愛健身嘅Heidi李靜儀近月與友人合資，於觀塘開設健身室，實行逆市升呢做老闆：「雖然只係小股東，去年初嘗做老闆嘅滋味，開咗一間健身室，環境好靚㗎，我會叫埋大家一齊嚟做運動！不過最近暫時唔可以營業，希望疫情快啲過去，各行各業都可以回復正常。」

提到今年的生日願望，廿四孝妹妹Zoe貼心表示，最希望家姐余香凝腹中寶寶身體健康；Aka則寄望工作接踵而來：「願望係今年嘅工作比去年多兩倍，哈哈哈！同埋身體健康，以最好嘅狀態去完成每個工作。」向來有鋪咖啡癮嘅Heidi則透露，有意報讀咖啡師課程增值自己，席間還自爆其「咖啡夢」：「我好想擁有一間自己嘅Cafe，雖然唔知道幾時有機會開鋪，但係起碼行出第一步，學下相關知識。」為此亦經常走訪十八區特色咖啡店，藉此視察環境、品味咖啡，為追夢鋪路。