王梓軒做矯視手術踢走大近視 過程膽戰心驚：似拍迷幻MV！
撰文：吳子生
出版：更新：
王梓軒受七百多度近視纏繞多年，日前經過多番考量，決心扚起心肝做矯視手術，並拍片紀錄。未入手術室時，梓軒直言十分緊張：「我好多年係大近視成七百幾度，今日我準備去做矯視，噚日就去咗檢查眼角膜、瞳孔得唔得？我今次做Smile個手術，比起Lasik新啲，我戴眼鏡二十幾年，戴Con都戴咗好耐，之前拍劇、做運動都唔方便，所以把心一橫做手術。」
經過半小時，手術大功告成，梓軒在休息室表示：「我而家感覺好似有好淺嘅近視，並灌了牛奶入眼裡，有少許矇矓，但比我冇戴眼鏡好好多了。不過痛就唔係好痛，簡單啲講，就似發了一場夢，因為有個激光頭逐漸『隊』埋你隻眼度，最接近時會睇到好多顏色，有白色、綠色，然後割開眼角膜後，突然間一片白色，我初時都驚，咦！乜都睇唔見，之後睇到一啲黃色，又睇到橙又綠，好似睇80年代迷幻嘅MV，好多光咁，不過醫生真係處理得好好，而家我可以重見光明。」
+4
前港姐冠軍翁嘉穗唔怕大仔知過去 聞李明慧即落閘：唔好講呢啲！主播梁麗翹激罕拍性感艷照：估唔到咁大迴響！人妻朱慧敏拒絕以老公老婆相稱：因為佢都冇叫我做老婆！曾志偉回歸無綫改革綜藝 謝天華認同好事：我隨傳隨到!林子博憶念亡妻未敢入房瞓：自己情緒仲未得！