林建名追思會│契女戴夢夢唱《朋友》送別林生：佢好鍾意呢首歌
撰文：陳芷穎
出版：更新：
大名娛樂公司老闆林建名，本月8日病逝享年84歲，今日在香港殯儀館舉行追思會，契女戴夢夢同胡渭康一早到場，戴夢夢提起林生一度哽咽，她說：「其實喺契爺走之前，我都有同佢facetime，我最後係送咗首歌俾佢，我唱咗首《朋友》俾佢聽，我唱畀佢聽嗰陣，佢係有反應嘅，我知佢好鍾意聽歌，所以我送咗呢首歌俾佢，佢係收到嘅，大名娛樂係會繼續嘅，佢好愛呢間公司，我16歲時候認識佢，由幕前到幕後，我每一個決定不論私事或公事佢都支持我，佢就好似我屋企人咁，實在太多嘢要多謝佢。」而胡渭康表示很記得大少的教誨：「好容易，就係開心做人，吃喝玩樂，但同時要回饋社會。」