湯洛雯抽中「添丁籤」全場起哄催婚　甜笑默認馬國明係Mr. Right

馬國明與女友湯洛雯（靚湯）自從公開戀情以來一直恩愛，兩人不時合體放閃，羡煞旁人，早前靚湯更揚言男友在台慶頒獎禮上贏得視帝就結婚，可惜馬明最後未能「冧莊」。不過靚湯日前為TVB新一輯玄學節目《天天開運王》拍攝時，就在節目中抽中「添丁籤」，即時獲全場起哄催婚！

靚湯在接受《娛樂新聞台》訪問時笑言：「我覺得順其自然啦，又唔會話因為抽中支籤我就覺得係嘅，人生大事呢啲嘢個譜就講咗出嚟係咁樣，但始終實行嗰個都係你自己。我覺得風水命理係有7成，但3成都要自己去實行。」雖然對於造人大計未有計劃，但靚湯就大爆原來早在去年已經被預言會有新戀情：「佢話我上年一定會遇到一個啱嘅，我嗰陣時覺得點可能呀，點知真係！」言下之意靚湯都覺得馬明是自己的Mr. Right！