萬千星輝2020｜陳自瑤全場最性感　懶幫王浩信拉票：冇特別去諗

TVB《萬千星輝頒獎典禮2020》在今晚（10日）舉行，每年紅地氈各個女星的打扮亦成關注，藝人陳自瑤（Yoyo）今晚的服裝令人眼前一亮，身穿低胸露腰晚裝的她，盡顯S型身材，不過現場溫度只有13度，在接受訪問時她的手還在震，「其實冇話好特別，但呢個晚裝我第一眼就睇中咗，因為我最近剪短咗頭髮，所以我就想揀啲有型少少款式，但唔知今日咁凍。」

提到老公王浩信是今晚「最佳男主角」的大熱人選，Yoyo表示：「頭先啲人都有問，但佢年年都大熱啦，冇特別去諗。（有幫佢拉票？）我係咁幫《那些我愛過的人》，唔好理咁多。」