歌手謝高晉今晚（29/12）現身尖沙咀出席網上音樂直播籌款活動。提到剛獲得《新城勁爆頒獎禮2020》「勁爆我撐新人獎」，高晉表示大感意外：「當時我做緊義工，收到電話通知領獎，自己心諗唔知發生咩事？點知原來自己有份，真係覺得好開心。因為始終今年算係喺樂壇第一年，有咁嘅成績好多謝公司，（以27歲之齡攞新人獎會否覺得起步遲？）其實我入行都有7年時間，之前都係拍劇為主，我好相信只要大家努力去做好一樣，有咩目標都可以達成。」
莊子璇（Hilary）今日現身將軍澳出席無綫《萬千星輝頒獎典禮2023》「最具潛質新人」候選人會見傳媒。Hilary受訪時表示能夠得到提名十分感到很意外：「其實嗰日聽到自己有份被提名，都唔敢相信，仲反問自己係咪我嚟。始終自己啱啱入行未有代表作，變咗自己喺度諗，會唔會係台慶當晚自己嘅表現而被看中。新人機會唔係好多，好難得公司畀機會我去學好多嘢。」
被問到何時拍劇？Hilary表示：「我諗拍劇有啲難度，因為有個魔咒，有個規則，好少港姐第一年就可以出嚟拍劇。就好似較早之前我哋試過一班港姐同啲監製見面講到拍劇時，監製都話港姐下年先啦。可能因為港姐要履行職責，變咗有時可能要出席慈善騷，檔期上有機會會撞，變咗可能係咁嘅原因。（會唔會覺得可惜？）我覺得係一件好事，因為我仲讀緊書，兼顧唔到兩邊，因為我頭腦唔係咁聰明，咁所以我想專注喺一個地方，就係讀書。」
