【踩過界II】蔡思貝奪視后呼聲高　未敢太興奮 ：有提名已好感恩

蔡思貝今日（17/12）現身將軍澳電視城出席台慶劇《踩過界II》宣傳造勢活動，不忘在台上幫自己拉票。提到今屆獲提名「最佳女主角」和「最受歡迎電視女角色」，亦憑《使徒行者3》角逐「最受歡迎電視拍檔」，思貝直言有提名已經好感恩，從來都抱著平常心去面對。

問到曾經獲多少次獲提名「最佳女主角」？思貝表示：「其實我對呢啲數字好唔敏感，咁所以我從來都冇乜計過，咁多年獲提名過啲乜。其實「癲姐」喺17年攞咗「最喜愛角色」，呢個角色係幫咗我好多。三年過後，由提名「最佳女主角」，咁所以我覺得係喺提名上，係一個成長嚟，咁好自然好感恩又開心！」