伊能靜兒子小哈利IG又惹是非　疑於戲院內影《鬼滅之刃》涉侵權

戲院內嚴禁任何拍攝錄影，係一向以來規例，偏偏一直以來都有觀眾有意無意犯例。近期最Hit電影《鬼滅之刃劇場版無限列車篇》於各地大收旺場，10月30日喺台灣上映，成為當地首部破5億元大關嘅動畫片。庾澄慶與前妻伊能靜所生嘅囝囝庾翰睿（小哈利）都有入場欣賞，但就喺IG STORY貼出戲院螢幕照，有機會面臨相關民事、刑事責任。

「01最賞睇娛樂大獎」即日起至12月23日接受投票喇，答埋簡單問題，隨時贏最新5G手機12 Pro！

現年18歲嘅小哈利今年5月高中畢業，伊能靜年初曾透露囝囝已收到倫敦中央聖馬丁藝術學院和紐約帕森斯設計學院錄取信。但上個月小哈利喺IG貼出自拍，額頭上貼上字幕「我要休學」，後來再度澄清「休學只是開玩笑」。而且被網友發現愛以FEMBOY（女性化男孩）打扮，被外界質疑性取向。呢次又涉嫌於戲院內拍攝，恐有侵權之嫌，有機會面臨相關民事、刑事責任，真係是非不斷。