錢國偉設靈︱姚子羚陳自瑤哽咽送別伯樂　遺憾未能跟對方好好道別

前無綫（TVB）金牌監製錢國偉（Wilson）10月27日因胰臟癌病逝，終年58歲，其家屬今日（8日）在沙田大圍寶福紀念館設靈，不少Wilson的生前好友也有到場致意，包括與Wilson相識18年的姚子羚（Elaine）以及陳自瑤（Yoyo）。

Elaine和Yoyo坦言心情並未平復，仍然非常難過。二人重提與錢國偉合作的點滴不禁哽咽，Yoyo指他是一個好照顧大家的好人：「佢好Take Care大家，同佢做嘢好開心，佢好好人。」而Elaine亦感謝Wilson的提攜，卻遺憾在他離世前未能跟對方好好道別：「佢係一個好快樂嘅人，帶好多開心畀我哋，佢係好多人嘅伯樂。（相識咗幾耐？）入行到而家，都有18年，好多謝Wilson。冇佢就冇今日嘅我哋，因為佢我先拍《四葉草》，畀咗好多機會我，遺憾喺佢走之前冇機會同佢好好道別。要講嘅頭先好簡短同佢講咗，我相信佢會知道，佢去到另一個地方都會帶好多開心畀大家。」